Polítika Privasidade Labadain Chat

Atualiza: 10 Janeiru 2026

Labadain Chat (Labadain LIX-R361) nu'udar asistente AI ida-ne'ebé dezenvolve hosi Labadain Innovation eXperience (LIX) atu fasilita konversa iha Tetun. Dokumentu ida-ne'e esplika saida mak ami halo ho ita-nia dadus ne'ebé ami kolleta. Karik ita-boot la konkorda ho politika ida-ne'e, favór lalika uza Labadain Chat.

1. Dadus ne'ebé ami kolleta

Bainhira ita uza Labadain Chat, ami bele rekolla ita-nia dadus hanesan:

• Testu mensajen sira-ne'ebé ita hatama ba chat;
• Informasaun konta hanesan naran, email no imajen perfíl (karik ita fornese);
• Informasaun téknika bázika hanesan enderesu IP, tipu dispozitivu, no browser.

2. Oinsá ami uza ita-nia dadus

Ami sei uza ita-nia dadus atu:

• Hadi'ak kualidade resposta hosi asistente AI ba ita-nia pergunta sira;
• Manten iha istóriku chat atu foti filafali no disponibiliza ba ita-boot;
• Halo investigasaun hodi hadi'ak kualidade servisu Labadain Chat nian;
• Haforsa seguransa no prevensaun ba uzu la tuir objetivu hosi aplikasaun nian.

3. Partilla dadus

Ami la fahe ita-nia dadus pesoál ba parte terseiru atu halo marketing privadu. Dadus bele partilla ho servisu tékniku de'it atu halo analiza no hadi'ak Labadain Chat nia funsionalidade sira.

4. Seguransa

Ami halo esforsu atu proteje ita-nia dadus hosi asesu la autorizadu, maibé la iha seguransa ne'ebé perfeitu iha internet. Favór labele tau informasaun sensível demais iha chat (hanesan númeru kartaun bankária ka dokumentu segredu sira).

5. Ita-nia direitu sira

Se ita hakarak husu klarifikasaun kona-ba ita-nia dadus ka husu atu apaga, ita bele kontaktu ami liuhusi email ofisiál Labadain.

6. Kontaktu

Se iha dúvida ka komentáriu kona-ba politika privasidade ida-ne'e, ita bele kontaktu ami liuhusi apoiu@labadain.com.

Labadain bele muda politika privasidade ida-ne'e bainhira de'it. Versaun ne'e mak hosi data ne'ebé hatudu iha leten.